ئینته‌رمیلان گرێبه‌ستی‌ گه‌وره‌ بۆ كڕینی‌ پیدرۆ ئاماده‌ ده‌كات

یانه‌ی‌ ئینته‌رمیلانی‌ ئیتاڵیی به‌سه‌رۆكایه‌تی‌ ئیریك توهێری‌ ئیندۆنیزی‌ ئاماده‌كاری‌ بۆ ئه‌نجامدانی‌ چه‌ند گرێبه‌ستێكی‌ گه‌وره‌ له‌گواستنه‌وه‌كانی‌ هاوینه‌دا ده‌كات و له‌نێوه‌نده‌شدا ده‌یه‌وێت پیدرۆ رۆدریگێز له‌یانه‌ی‌ به‌رشه‌لۆنه‌ بكڕێت.

راگه‌یاندنه‌كانی‌ ئیتاڵیا بلاَویانكرده‌وه‌ كه‌ئینته‌رمیلان له‌سه‌ر داوای‌ رۆبێرتۆ مانشینی‌ راهێنه‌ری‌ چه‌ند گرێبه‌ستێك له‌هاوینی‌ داهاتوو ئه‌نجام ده‌دات و له‌و نێوه‌نده‌شدا بڕی 25 ملیۆن یۆرۆی‌ بۆ كرینی‌ پیدرۆ له‌یانه‌ی‌ به‌رشه‌لۆنه‌ ئاماده‌ كردوه‌ كه‌ئه‌و یاریزانه‌ بریاریداوه‌ هاوینی‌ داهاتوو به‌رشه‌لۆنه‌ به‌جێبهێڵێت.

جگه‌ له‌پیدرۆش ئینته‌ر ده‌یه‌وێت یایا تۆرێی و یاریزانێكی‌ هێڵی به‌رگریش بۆ ریزه‌كانی‌ بگوازێته‌وه‌ ئه‌مه‌ش له‌و پێناوه‌ی‌ له‌وه‌رزی‌ داهاتوو ركابه‌ری‌ له‌سه‌ر بردنه‌وه‌ی‌ نازناوه‌كان بكات به‌تایبه‌ت خولی ئیتاڵی كه‌له‌وه‌رزی‌ ئه‌مساڵ ئاستێكی‌ زۆر لاوازی‌ پێشكه‌ش كردوه‌.