چێڵسی پێشه‌نگی‌ قایمتر كرد و ئه‌رسیناڵیش یاریی لوتكه‌ی‌ برده‌وه‌

یانه‌ی‌ چێڵسی سه‌ركه‌وتنێكی‌ گرنگی‌ به‌رامبه‌ر ستۆك سیتی‌ تۆماركرد و له‌بردنه‌وه‌ی‌ نازناوی‌ پریمه‌رلیگ به‌ته‌واوی‌ نزیكبۆوه‌ و ئه‌رسیناڵیش یاریی لوتكه‌ی‌ له‌لیڤه‌رپوڵی میوانی‌ برده‌وه‌.

له‌میانه‌ی‌ یاریه‌كانی‌ هه‌فته‌ی‌ 31ی خولی ئینگلیزی‌ یانه‌ی‌ چێڵسی پێشه‌نگ له‌یاریگای‌ ستامفۆردبریدج میوانداری‌ ستۆك سیتی‌ كرد و یاریه‌كه‌شی به‌دوو گۆڵ به‌رامبه‌ر به‌گۆڵێك لێبرده‌وه‌ كه‌گۆڵه‌كانی‌ چێڵسی هازارد و لویك ریمی‌ تۆماریانكردن و تاكه‌ گۆڵه‌كه‌ی‌ ستۆك سیتیش چارلی ئاماده‌م تۆماریكرد.

لای‌ خۆشیه‌وه‌ یانه‌ی‌ ئه‌رسیناڵ گرتنی‌ پله‌ی‌ سێهه‌م و به‌شداریكردنی‌ له‌خولی یانه‌پاڵه‌وانه‌كانی‌ ئه‌وروپای‌ وه‌رزی‌ داهاتوو تاراده‌یه‌كی‌ زۆر یه‌كلاكرده‌وه‌ ئه‌مه‌ش پاش سه‌ركه‌وتنی‌ به‌سه‌ر یانه‌ی‌ لیڤه‌رپوڵدا به‌چوار گۆڵ به‌رامبه‌ر به‌گۆڵێك.

یانه‌ی‌ مانچسته‌ر یونایتدیش له‌تۆماركردنی‌ ئه‌نجامه‌ باشه‌كانی‌ به‌رده‌وامه‌ و ئه‌م هه‌فته‌یه‌ش توانی‌ به‌سێگۆڵ به‌رامبه‌ر به‌گۆڵێك بردنه‌وه‌ به‌سه‌ر یانه‌ی‌ ئه‌ستۆن ڤێلا تۆماربكات.