ئه‌مشه‌و ئه‌ركی‌ ریاڵ مه‌درید و به‌رشه‌لۆنه‌ له‌خولی ئیسپانی ئاسانه‌

بریاره‌ ئه‌مشه‌و درێژه‌ی‌ یاریه‌كانی‌ هه‌فته‌ی‌ 30 خولی لگای‌ ئیسپانی ئه‌نجام بدرێت و له‌و نێوه‌نده‌شدا هه‌ردو یانه‌ی‌ به‌رشه‌لۆنه‌ی‌ پێشه‌نگ و ریاڵ مه‌دریدی‌ دووه‌م یاریه‌كانی‌ ئه‌م هه‌فته‌یه‌یان ئه‌نجام ده‌ده‌ن و ئه‌ركیشیان ئاسانه‌.

له‌كاتژمێر 9ی‌ شه‌و یانه‌ی‌ به‌رشه‌لۆنه‌ی‌ پێشه‌نگ پاش سه‌ركه‌وتنه‌كه‌ی‌ به‌رامبه‌ر سیلتاڤیگۆ له‌یاریه‌كی‌ ئاساندا و به‌وره‌یه‌كی‌ به‌رزه‌وه‌ میوانداری‌ یانه‌ی‌ ئه‌لمیریا ده‌كات كه‌چاوه‌ڕێده‌كرێت لیۆ و هاوڕێكانی‌ سه‌ركه‌وتنێكی‌ گه‌وره‌ تۆماربكه‌ن.

پاش كۆتایهاتنی‌ ئه‌م یاریه‌ش یانه‌ی‌ ریاڵ مه‌درید له‌كاتژمێر 11 له‌دێربی مه‌دریدی بچوك ده‌بێته‌ میوانی‌ رایۆڤالیكانۆی‌ هاوشاری‌ كه‌به‌هه‌مان شێوه‌ش پێشبینی‌ ده‌كرێت رۆناڵدۆ و هاوڕێكانی‌ له‌م یاریه‌شدا كه‌رنه‌ڤاڵێكی‌ گۆڵ كردن ئه‌نجام بده‌نه‌وه‌ وه‌ك چۆن به‌رامبه‌ر غه‌رناته‌ ئه‌نجامیاندا.
‌