له‌چه‌ند هه‌فته‌ی‌ داهاتوو هۆمێڵس داهاتووی‌ دیاری ده‌كات

له‌چه‌ند هه‌فته‌ی‌ داهاتوو ماتس هۆمێڵزی‌ ئه‌ڵمانی‌ و به‌رگریكاری‌ یانه‌ی‌ بروسیا دۆرتمۆند داهاتووی‌ خۆی‌ دیاریده‌كات كه‌له‌ریزه‌كانی‌ یانه‌كه‌ی‌ به‌رده‌وام ده‌بێت یاخوود یانه‌یه‌كی‌ نوێ بۆ یاریكردنی‌ ده‌دۆزێته‌وه‌.

له‌میانه‌ی‌ لێدوانێكیدا بۆ كه‌ناڵی سكای‌ سپۆرتی‌ به‌ریتانی هۆمێڵزی‌ ته‌مه‌ن 26 ساڵ وتی‌: له‌چه‌ند هه‌فته‌ی‌ داهاتوو بڕیاری‌ یه‌كلاكه‌ره‌وه‌ له‌باره‌ی‌ داهاتووی‌ خۆمه‌وه‌ ده‌ده‌م و باشترین داهاتوو بۆ خۆم دروست ده‌كه‌م.

هۆمێڵز ره‌تیشكرده‌وه‌ كه‌ئه‌مه‌ واتای‌ ئه‌وه‌ بگه‌یه‌نێت كه‌دۆرتمۆند به‌جێده‌هێڵێت به‌ڵكو له‌گه‌ڵ بریكاره‌كه‌ی‌ گفتوگۆ ده‌كات و به‌له‌به‌رچاوگرتنی‌ ئه‌نجامه‌كانی‌ دۆرتمۆندیش له‌وه‌رزی‌ ئه‌مساڵ و به‌شداریكردنی‌ له‌خوله‌ ئه‌وروپیه‌كان بڕیار له‌سه‌ر داهاتووی‌ ده‌دات.

هۆمێڵز كه‌به‌یه‌كێك له‌باشترین به‌رگریكاره‌كانی‌ جیهان داده‌نرێت له‌لایه‌ن چه‌ندین یانه‌ی‌ گه‌وره‌ گرنگی‌ پێده‌درێت له‌گرنگترینی‌ ئه‌و یانانه‌ش مانچسته‌ر یونایتد و ئه‌رسیناڵی ئینگلیزی‌ و به‌رشه‌لۆنه‌ی‌ ئیسپانیه‌.